ماشاء الله ... لاقوة الابالله
بناء على الحب الكثير الى السندويشات الخفيفه جبت لكم طريقة السندوتش أقول لكم بشروا بالخير لعيونكم تستاهلون كل خير
المقادير
دجاج مسلوق ومفتت
بصل مفروم
كرفس مفروم
جزر مبشور
خس
مشروم شرايح
فلفل بارد مفروم
ملعقتين كتشب
ملعقتين خردل
ملعقتين مايونيز
وجبن سائل أختياري
فلفل اسود + ملح
الطريقة
نحمر البصل والكرفس والفلفل البارد في قليل من الزيت
نضيف الجزر المبشور
يضاف الدجاج المفتت وشرايح المشروم
نضيف الفلفل الأسود والملح
ونقلبهم مع بعض
نحضر المايونيز والكتشب والخردل
نخلطهم مع بعض
ونضيفهم على خلطة الدجاج ونمزجهم على بعض
نحشي السندويتشات المرغوبه رول أو سلايس
نحشي السندويتش الرول بهذي الشكل مع أضافه الخس
نقطع الرول من النصف ونصفه بطبق مفروش بالخس
هنا حشينا سندوتش السليس وقطعناه من النصف وزيناه بجزر مبشور
يستحب تقديمه على السفرة كمقبلات
أو للفطور او العشاء
وينفع للرحلات وطلعات الكورنيش بس موبالحر
وصحتين وعافييييه