بنات وبس

اقوول يالطيبهـ
وش رايكـ تسجلين في منتدانا
ترا والله يمدحونه (^_^)
اقول ترا مالا داعي هالوقت كله للتفكير سجلي بلا حركات
اعضائنا فخر لنا
يعني فهميها
***********
ملحوظهـ
لا تسجل اذا كنت ولد
اللهـ يسلم باقي المنتديات ترا يستقبلون

 

موقع طريق الإسلام


    تبين تقهرين اخوك ..هـنـاااااا

    شاطر
    avatar
    فخامة كبرياء
    نشيطه
    نشيطه

    عدد المساهمات : 114
    تاريخ التسجيل : 29/08/2009

    default تبين تقهرين اخوك ..هـنـاااااا

    مُساهمة من طرف فخامة كبرياء في السبت أغسطس 29, 2009 6:16 pm

    السلام عليكم ورحمة الله وبركاتــه


    عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع



    هالخطوات والله يقويكم





    *** عند التلفزيون ***

    لا صارت فيه مباراه , والاخ متحمس اقطعي هالحماس وشلون؟!


    انا اقولك ..
    شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,


    هنا بس تقومين بشغلك.. وتسوين نفسك بنت سنعه
    وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,


    لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..
    واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..


    *** عند النوم ***

    لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ
    والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..


    *** اذا المزاج مزفت ***

    اذا شفتيه ماله خلق ومو رايق ومقفله معه لا تخافين بالع** هذي فرصتك تنتقمين منه يعني تحرشي فيه خلي دمك ثقيييييييييل بالمزح


    بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ


    المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير


    عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
    عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ


    *** وقت الطقاق ***

    لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:


    1/ اللبس:
    لازم تلبسين ترنك خخخخخخخخخ علشان يسهل الركض


    2/ الشوشه
    لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,


    وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير


    3/ مفتاح الغرفه ولميه الاحتياط واجب

    اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,
    لا تستسلمين عطيه بوكككككك** على عيونه الثنتين علشان مايشوف الدرب وحطي رجلك
    .


    وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..

    أنا عن نفسي اسوي هالحركات في اخواني بس مو كلها <<<<< مسوية انك تيوبة هييييين

    على فكرة انا مالي خص اذا صار شي
    avatar
    مسز إيمي
    نشيطه
    نشيطه

    عدد المساهمات : 73
    تاريخ التسجيل : 19/06/2009
    العمر : 23

    default رد: تبين تقهرين اخوك ..هـنـاااااا

    مُساهمة من طرف مسز إيمي في الأحد أغسطس 30, 2009 2:11 am

    هههههههههههههههههههههههه والله انك رايقه على الاخر

    انا لو اسوي فيهم كذا على طووووول مهزومه من جد تماسيح

    بس ان شاء الله مسويتها مسويتها Twisted Evil

    مشكوره ماتقصرين على الموضوع الحلو

    تسلم الايادي
    avatar
    miss cute
    المدير
    المدير

    عدد المساهمات : 161
    تاريخ التسجيل : 17/06/2009

    default رد: تبين تقهرين اخوك ..هـنـاااااا

    مُساهمة من طرف miss cute في الأحد أغسطس 30, 2009 2:12 am

    مالكـ خص Cool
    ماشاء الله عليكـ تعلمينا وتتبرئين منا Shocked
    بس احلى دروس بصراحهـ
    avatar
    فخامة كبرياء
    نشيطه
    نشيطه

    عدد المساهمات : 114
    تاريخ التسجيل : 29/08/2009

    default رد: تبين تقهرين اخوك ..هـنـاااااا

    مُساهمة من طرف فخامة كبرياء في الأحد أغسطس 30, 2009 10:59 am

    ههههههههههههه<<<اتبرى غصب عشان مايصير فيني شي كفايه اللي عندي بس انا ماهزموني الحمدالله

    وشكرا عـلى مروركم الجميل اللي نور صفحتي


      الوقت/التاريخ الآن هو الثلاثاء أغسطس 14, 2018 12:27 am